Delhi me kisne lagai aag ,kon hai iske piche ?

Delhi me kisne lagai aag ,kon hai iske piche ?

kon hai delhi hinsa ke piche

North-East Delhi me Monday ki raat hinsa bhadak gayi jisme abtak 5 logo ki maut ki khabar aayi hai .Darasal ye hinsa Delhi ke Bhajanpura, Karawal Nagar, Babarpur, Maujpur, Gokulpuri, or Chand Bagh ke ilake me do guto ke beech jam kar hinsa hui. Ek taraf CAA ke virodhi the to dusri taraf se CAA ke supporter the ,dono taraf se jam kar pattharbazi hui goliya bhi chali or kai jagah bomb bhi chalaye gaye saath he darjano dukano ko aag ke hawale bhi kar diya gaya. Logo ne Petrol pump or darjano gaadiyo ko bhi aag ke hawale kar diya. Aakhir aisa kya hua ki achanak se ye hinsa bhadak gayi or logo ko apne chapet me le liya .

Darasal saturday raat saikado mahilaye Jafrabad metro station ke paas CAA ke khilaaf dharne par baith gayi . Dharna pradarshan ki wajah se sadak badhit ho gayi .Police ne pradarshankari se hatne ki apeel kari lekin wo hatne se mana kar di. Jiske baad BJP ke neta Kapil Mishra ne road block kiye jaane ko lekar ek video post kiya jisme unhone kaha ki CAA supporter Sunday dopahar 3 baje Maujpur Chowk aa jaye . Usi shaam Jafrabad ilake me 4:30 baje CAA supporter or virodiyo ke beech jhadap ho gayi .Ek goot ke logo ka kehna hai ki ye sab BJP ke Kapil Mishra ke dwara karaya gaya hai ,usi ne logo ko bhadkaya hai.

Kya Delhi hinsa ke piche Kapil Mishra ka hath hai ?

kapil mishra ka logo ko bhadkana

Sunday ko Kapil Mishra ne ek video twitte kiya jisme wo Nort-East Delhi ke DCP Ved Prakash ke saath nazar aa rahe hai or wo ye dhamki bhare andaz me saaf saaf kehte hai ki  wo or unke supporter Donald Trump ke daure tak intezaar kar rahe hai or unke jaane ke baad wo Delhi Police ki bhi nahi sunenge. Wah ye sunischit karenge ki CAA virodhiyo dwara jaam ki gayi sabhi sadke khul jaye. Saath he Sunday ki raat ko ek video saamne aaya jisme log jai shree ram ka nara laga rahe hai or truck se patthar gira rahe hai.Wahi dusri taraf se ek shaks goli chalate hue nazar aa raha hai jiski pehchan Shahrukh ke taur par hui hai or wo filhal police ki hirasat me hai.

Wahi dusri taraf Maujpur chowk me bhadkau gaane bhi bhi bajaye jaa rahe the .Ek gaane me ye bola ja rah atha ki "Jo maange azadi desh me ,bhejo pakistan unhe" or "Bharat ka abiman hai hindu bhagwadhari aayega ,pukarti maa bharti khoon se bharo goliyo ke naam ki". Hairaani ki baat ye hai ki uss dawraan police waha par maujood thi lekin wo gaane ko band karnwane ki kosis bhi nahi kari . Wahi boht saare video me ye dekhne ko bhi mil raha hai ki kis tarah se police bhi CAA supporter ke sath mil kar CAA prrotester par patthar barsa rahe hai .Halaki der raat Delhi ke CM Arvind Kejriwal ne Amit Shah se law and order ko thik karne ki salah di .

Delhi ke sadko me raat bhar pattharbazi or goliya chali ,iss dawraan darjano dukano ko aag ke hawale kar diya gaya saath he raat bhar logo ne jam kar lootpaat bhi kari. Police mukdarshak bani rahi or log hinsa karte nazar aaye .Desh ki rajdhani me ye pehli ghatna hai jisme logo ko itna jyada nuksan pahuchaya gaya. Ab dekhna ye hai ki iss puri ghatna ko lekar Home Minister kya karte hai hai saath he jinke dukano me aag lagai gayi hai unki bharpayi ko karta hai ye dehna baaki hai.
Previous
Next Post »