Delhi ek baar fir se AAP ki hui

Delhi ek baar fir se AAP ki hui

delhi election me Aam Aadmi Party ki jeet hui

Delhi vidhansabha ke chunav me Aam Aadmi Party ne lagatar teesri baar election jeet kar hattrick laga diya jisse ki baaki ke party ke log kaafi sadme me nazar aa rhe hai .Ek taraf jaha BJP ne peechle baar se 5 seat jyada lakar apni laaj bacane me kamyab rahi wahi Congress party ko ek baar fir Delhi me ek bhi seat nahi mili jisse Congress ke logo me khasa ros hai. Delhi me 70 me se 62 seat lakar Aam Aadmi Party ek prachand bahumat se jeet kar virodhiyo ko pastt kar diya or jeet ke baat Arvind Kejriwal ne janta ke saamne aaye or unhe sambodhit kiya or sath he unhone Delhi wasiyo ko  "I Love You" bhi kaha saath he unhone apne speech me kaha ki ye Delhi ke 1.47 Crore janta ki jeet hai.

Ye chunav kaafi dilchasp nazar aaya kyu aisa pehli baar hua hai jab bharat ki rajniti me kisi ne apne kaam ke aadhar par vote manga or wo isme kamyab bhi ho gaye ,isse saaf pata chalta hai ki Kejriwal ne jo Bijli ,Paani ,Sikcha or Vikas ko mudda banaya tha wo yojna kaamyab hui.Wahi dusri taraf BJP ne dharm ki rajniti kari jise janta ne puri tarah se nakaar diya or unhe sirf 8 seat se he santust karna pada.

AAP ke sabhi Muslim Candidate jeete

AAp ko 70 me se 62 seat mili

Delhi me hue vidhansabha ke chunav me lagaatar teesri baar jeet kar jaha ek taraf BJP ka supda saaf kar diya wahi Aam Aadmi Party ke taraf se maidan me utre sabhi Muslim Ummedwar iss baar jeet darj kar ke logo ko chauka diya hai .Saath he sabhi Muslim bahul illako me har baar se jyada iss baar bumper vote pade hai jisse ye sabit hota hai ki ab muslim samaj bhi iss loktantra ke parv me badh chad kar issa lene laga hai .

Khatarnak agende ko janta ne haraya-congress

Bhale he Congress ko iss baar bhi ek bhi seat jeetne me kamyab nahi rahi lekin wo BJP ki haar se behad khus hai .Congress ki taraf se ye bayan aaya ki janta ne iss khatarnak agende ko muhtod jawab diya hai or unhe sire se nakar diya hai .Saath he unhone kaha ki Delhi ki janta ne dharm ki rajneeti karne walo ko nakar kar desh ko sandesh diya hai ki .India me smapraday ki rajniti nahi chalegi.

BJP ne kaha -Janta ne hume kharij nahi kiya

Manoj Tiwari ne Delhi ke sabhi matdata ko dhanyawad kiya or kaha ki wo iss haar ki samikcha karegi or dekhegi ki unse kis jagah chook hui or isse agle election me thik karne ki bhi baat kari.Wahi unhone ye bhi kaha ki janta ne hume kharij nahi kiya balki humara vote pratishat 2015 ke mukable me 6 % badha hai, jaha 2015 me humara vote % 32 tha wo badh kar 38 % ho gaya hai isse ye pata chalta hai ki janta ne hume nakara nahi hai.

Wahi dusri taraf Manoj Tiwari ko logo ne jam kar troll kiya. Ye sab unke Twitte ke kar hua darasal Manoj Tiwari ne Exit Poll ke sabhi natizo ko kharij kiya tha or unhone ye bhi kaha tha ki iss baar ye saare Exit Poll galat sabit hogi or hume 65 se bhi jyada seat milegi .Bas fir kya tha logo ne result aate he Manoj Tiwari ko troll karna shuru kar diya .Wahi dusri taraf AAP ke karykarta Manoj Tiwari ke gaane par jam kar naacha.


Previous
Next Post »